Богатството на Македонија: Добро чувана тајна што ниту една жена не треба да ја знае
Материјалот од кој се прават познатите бисери доаѓа од Охридското Езеро, каде пливаат ендемски плашици …
Балканскиот Ерусалим е за многумина еден од најубавите градови во Северна Македонија. Како не, кога и Охрид и неговото езеро се наоѓаат на списокот на заштитено светско наследство.
Специфична архитектура, мирот кој се пронаоѓа во манастирите, како и специјалитетите како пастрмка или макало – кремасто совршенство што домаќините го јадат на врел леб со ајвар или пинџур, се одлични „реклами“ за дестинацијата од бајките сместена на ридот што нуди и многу повеќе.
Таму, љубителите на историјата практично на секој чекор откриваат нова страница. Толку се распространети што некои жители работат во градините само ноќе, така што никој не би ги видел ако наидат на артефакти за време на ископувањето, поради што нивниот двор може да стане „камп за археолози“. Додека шетате низ калдрмените улици, ќе наидете на бројни продавници со бисери по кои е познат Охрид. Но, има само две семејства кои ги прават на оригинален начин.
Рецептот за емулзијата, која го должи својот квалитет и сјај, е добро чувана семејна тајна што се пренесува само на машките потомци, а се добива од „рибино сребро“, односно лушпа од плашица што живее во езерото .
Семејствата Филеви и Талеви имаат сертификат за нивно изработување, а кога ќе ги купите, ќе го добиете како доказ дека ја имате „вистинската работа“.
Приказната за семејството Филеви започнала во почетокот на 20 век кога Михаил Филев се сретнал со руски имигрант со кого еднаш, додека одел покрај брегот на езерото, видел рибари кои носат корпи со ендемска плашица. Како знак на големото пријателство, Русинот му ја открил тајната техника на правење бисери од „рибино сребро“, односно крлушки, на Филев.
Оттогаш, татковците на тоа семејство им ја пренсувале мудроста на своите синови, а уникатниот накит е омилен женски украс кој од Охрид стигнува до сите страни на светот.
