Џенифер Лопез не може да биде погорда на своите деца, а горда е на себе за начинот на кој ги воспитува. Токму нејзините близнаци Макс и Ема ја охрабруваат да биде подобра личност, но и да го направи светот во кој живее подобар, често користејќи ги социјалните мрежи за подигнување на свеста за одредени теми.
51-годишната актерка и пејачка сега објасни како ја користи својата моќ на социјалните мрежи, а откри и што ја инспирира во кревањето глас против неправдата. Во интервју за ELLE, Џеј Ло откри дека сфатила дека платформите како социјалните мрежи се важна алатка за ширење на свеста. Забележа дека тоа го сфатила додека се фотографирала за насловната страница на едно списание минатата година.
Да потсетиме, актерката и нејзиниот вереник Алекс Родригез беа забележани заедно во Лос Анџелес за време на демонстрациите ова лето. Парот ги покри лицето со маски според безбедносните мерки, но сепак беа препознатливи. Тие маршираа заедно со толпата и носеа натписи направени од нивните деца, на кои пишуваше: „Black Lives Matter“. Тие имаа уште една плакета со натпис, на која децата напишаа: ‘Let’s Get Loud for Black Lives Matter’, а се однесуваше на хитот на Џенифер од 1999 година, „Let’s Get Loud“.
Актерката призна дека не сака да присуствува на настани со голема толпа. Сепак, за неа беше важно да го искористи својот глас за да зајакне важно социјално прашање. Покрај тоа, Лопез рече дека е задоволна што гледа огромен број на млади луѓе кои протестираат во име на проект како „Black Lives Matter“. Сепак, актерката истакна дека нејзината професија не мора да претставува врховен орган што одредува што е навистина правилно, а што не. Од друга страна, тоа е начинот на кој таа може да придонесе за подобрување на работите. Лопез додаде дека, во сè што прави, секогаш се обидува да осигури дека никој не е повреден и дека сите се третираат фер.