Ако имате вистинска зелена оаза, триковите за заштеда на време ќе ви бидат особено корисни
Прашината што се акумулира на лисјата на растенијата, особено во зимските месеци, може да изгледа многу неуредна.
Според експертите, прашината е резултат на валканиот воздух во просторијата. Сепак, без оглед на квалитетот на воздухот, честичките од прашина дефинитивно ќе паднат и ќе ги контаминираат вашите растенија.
Ако имате неколку растенија, кои имаат големи лисја, бришењето прашина веројатно не е голем проблем и нема да потрае многу. Меѓутоа, ако имате вистинска зелена оаза, триковите за заштеда на време ќе ви бидат особено корисни.
Измијте ги растенијата во када
Миењето на домашните растенија во када е наједноставно, но мора да обрнете внимание да ја заштитите почвата на растението од водата или млазот. Покријте ја земјата со фолија, а потоа измијте ги лисјата. Оставете го растението во кадата да се исцеди, а потоа лесно протресете го, така што вишокот вода ќе падне. Истото можете да го направите и под чешма во мијалникот.
Користете распрскувач
Освен што е одлична алатка со која на растението му обезбедувате доволно влага, исто така е многу корисно кога станува збор за брзо отстранување на прашината.
Испрскајте ги растенијата и едноставно избришете ги со мека, тенка крпа.
Извадете ги на дожд
Ако температурата е соодветна, што не е реткост во променливите есенски денови, можете да ги извадите растенијата на дожд и да оставите да ја заврши работата за вас. Осигурајте се дека дождот не е силен, и доколку е потребно, заштитете ја почвата во саксијата, како и при миењето на растенијата во кадата. Растенијата не се големи љубители на туширање, особено оние со зашилени лисја.
Во прилог на чистењето и туширањето на растенијата, отстранете ги сите паднати лисја од саксијата, бидејќи може да задржат бактерии што ќе му наштетат на растението. Исто така, со редовна проверка на почвата, внимавајте билката да не ја нападнат инсекти, што може да се забележи при перење во кадата.