Актерката Јара Шахиди, една од sвездите на серијата Black-ish, беше меѓу најзабележаните на доделувањето на наградите Еми синоќа, каде очигледно пристигна инспирирана од стилот на стариот Холивуд.
Популарната актерка прошета по црвениот тепих во фустан кој е потпишан од модната куќа Диор, а станува збор за балски фустан на Висока мода со класичен крој на кој малку жени би одолеале! Тоа е модел што ги открива рамената, а под краток корсет и тенок појас, се шири во форма на ѕвонче. Највпечатливиот дел од фустанот е тул префрлен напречно под рамената, но и ефективната зелена боја, поради што Јара се издвојува во морето од совршено негувани колеги.
Актерката го носеше ова шик парче облека со кафеави салонки со зашилени прсти инспирирани од винтиџ чевли, а посебен дел од нејзиното издание е накитот: дијамантски ѓердан од три реда дијаманти и не премногу големи (и, се разбира, дијамантски) обетки.
