„ЛУЃЕТО СЕ ПЛАШАТ ОД ГОЛЕМИ ГРАДИ“: Били Ајлиш изгуби 100 илјади следбеници и мисли дека знае зошто

Кога Били Ајлиш позираше за британскиот Вог во мај, веројатно не можеше да очекува дека ќе ги загуби следбениците поради таа фотографија. Имено, 19-годишната пејачка позираше облечена во корсет, што очигледно не им се допадна на некои нејзини обожаватели.

„Изгубив 100.000 следбеници, само поради градите. Луѓето се плашат од големи гради“, рекла таа за списанието Elle , додавајќи дека тоа е многу дехуманизирачко.

Во март, музичарката „се ослободи“ од зелените прамени во косата по кои беше препознатлива.

„Не можев да одам никаде со таа коса, бидејќи беше очигледно дека тоа сум јас“, истакна таа. И тогаш кога стана русокоса, таа одеднаш се почувствува слободна.

„Отидов во паркот со еден пријател и му реков:„ Не, не можам да ја симнам качулката! “. Бев ужасната од папараците и овие прогонувачи што ги имав. Но, мојот пријател рече: „Не грижи се, ништо нема да се случи“. Ја соблеков и се чувствував како нова личност “, заклучила таа.