Откријте кој сте и со кого може да се согласите, врз основа на годината на раѓање
Тибетската филозофија вели дека годината на раѓање може да одреди каква личност ќе станеме, но исто така ни кажува многу за тоа какви сме биле во минатите животи, како и за тоа со која генерација можеме, а со која не можеме да се согласиме.
Најдете ја вашата година на раѓање:
Монах – 1951, 1963, 1975, 1987, 1999; Силно сонце – 1950, 1962, 1974, 1986, 1998; Млада месечина – 1949, 1961, 1973, 1985, 1997; Црн бик – 1948, 1960, 1972, 1984, 1996; Кожна нараквица – 1947, 1959, 1971, 1983, 1995; Желка – 1946, 1958, 1970, 1982, 1994, 2006; Гонг – 1945, 1957, 1969, 1981, 1993, 2005; Столб од жад – 1944, 1956, 1968, 1980, 1992, 2004; Извор – 1943, 1955, 1967, 1979, 1991, 2002; Чувар на оган – 1942, 1954, 1966, 1978, 1990, 2002; Кобра – 1941, 1953, 1965, 1977, 1989, 2001; Змеј – 1940, 1952, 1964, 1976, 1988 , 2000 година.
МОНАХ
Вие сте отворена весела личност која лесно ги освојува срцата на луѓето. Речиси ништо не може да ви го расипе расположението. Внимателни сте кон другите, кон нивните желби и потреби, но од време на време исто така сакате да се расправате. Тоа е еден вид храна за вашата душа. Во минатите животи вие бевте пророк, комичар, патувачки трговец и еден вид владетел на мала заедница. Вашите среќни броеви се 13, 25 и 37. Оние што се родени во знакот на Чуварот на огнот и Желка ви се најпријатни, а не се препорачува да се зближувате со родените во знакот на Извор.
СИЛНО СОНЦЕ
Вие сте некој што дејствува одлучно и прецизно во напорни и тешки ситуации. Секој може да смета на вас, а луѓето едноставно ја обожуваат вашата смисла за хумор. Вашиот најголем страв е дека некој ќе ви ја ограничи слободата. Во минатите животи сте биле верски водач, ловец, советник, трговец и учител. Вашите среќни броеви се 12, 24 и 36. Уживате во дружењето со Кобрите и родените во знакот на Кожна нараквица, но не се согласувате со Црниот Бик.
МЛАДА МЕСЕЧИНА
Постојат две страни на вашата личност. Во текот на денот сте чувствителни, љубезни, желни за љубов … но како што се приближува ноќта, станувате постраствени и динамични. Затоа вашиот партнер ве обожува. Во минатите животи сте биле платен убиец, детектив, лекар, водач на тајното друштво, ловец и гостилничар. Вашите среќни броеви се 11, 23 и 34. Најдобро се чувствувате во друштво на Црниот бик и уште една Млада месечина, но не ги разбирате родените во знакот Гонг.
ЦРН БИК
Не ви се допаѓаат трзавици во животот и ако некој или нешто почне да ве врти и влече, веднаш експлодирате. Важно е да ги кажете работите директно, јасно и прецизно. Сакате да доминирате – во врска, на работа и меѓу пријатели, затоа што чувствувате дека сте родени да водите, а не да следите. Во минатите животи сте биле политичар, бизнисмен, диригент и судија. Вашите среќни броеви се 10, 22 и 34. Најдобро си поминувате со Змејот и Млада месечина, но држете се подалеку од Силното Сонце.
КОЖНА НАРАКВИЦА
Се за вас е мистериозно и непознато. Ретко се врзувате за некого, но кога ќе се поврзете, тоа значи дека имате силни чувства. Ги менувате периодите на активен живот и зголемените социјални активности со оние во кои сакате да бидете сами. Не ви се допаѓа агресијата, но склони сте кон неа ако треба да се заштитите. Во минатите животи сте биле на работ на законот – трговец со оружје, ловец на богатство, коцкар, но и дипломат и алхемичар. Вашите среќни броеви се 9, 21 и 33. Најмногу ви се допаѓаат Силното Сонце и Кобра, а Змејовите ви пречат.
ЖЕЛКА
Се обложувате на се што е безбедно и мудро. Кога имате нешто на ум, можете да бидете неверојатно тврдоглави. Во врска, ја сакате нежноста. Верувате во здравиот разум и затоа не дозволувате искушенијата да ве потресат. Во минатите животи сте биле aидар, ковач, земјоделец и кројач. Вашите среќни броеви се 8, 20 и 32. Најмногу од се сакате да бидете во близина на Монах и Чуварот на огнот, но никогаш во близина на Младата месечина.
ГОНГ
Со три збора, вие сте – дарежлив, благороден и лојален. Вие сте многу почитувана личност која презира предавство и прељуба. Подготвени сте да ја преземете вината врз себе дури и кога нема причина за тоа, затоа што мислите дека сте одговорни за целиот свет. Во минатите животи сте биле археолог, скулптор, чевлар и адвокат. Вашите среќни броеви се 7, 19 и 31. Столбот од жад и Изворот се вашите најдобри придружници, а треба да се држите подалеку од Младата месечина.
СТОЛБ ОД ЖАД
Насилството ве депримира, а се што е непознато ве згрозува. Вие сте благородна душа, не сакате бучава и сакате да бидете сами или во друштво на вашите блиски. Тешко е да се освои вашата доверба, но кога ќе се заљубите, подготвени сте да го жртвувате својот живот за љубов. Во минатото сте биле златар, дизајнер, тренер за животни. Вашите среќни броеви се 6, 18 и 30. Гонг и Извор ви се најдраги, а не се вклопувате во Чуварите на огнот.
ИЗВОР
Вие дури и не знаете што е суровост и не можете да поднесете неправда и комерцијалност. Ги почитувате човечките чувства и никогаш нема да ги изневерите оние што веруваат во вас. Посветени сте и грижливи. Во минатите животи сте биле пејач, музичар, свештеник, дипломат и трговец со ткаенини. Вашите среќни броеви се 5, 17 и 29. Најкомпатибилни сте со Гонг и Столб од жад, додека не ви се препорачува дружење со Монах.
ЧУВАР НА ОГАН
Редовно си поставувате високи цели за себе и ако не ги постигнете, чувствувате неверојатна вина. Имате многу пријатели, но и покрај тоа, често се чувствувате осамено. Ваша задача е да бидете светлина во светот на темнината, но не секој може да ве разбере. Има малку луѓе кои навистина ќе знаат што претставувате, затоа што сте талентирани и богати. Во минатите животи сте биле лекар, билкар, готвач, истражувач и научник. Вашите среќни броеви се 4, 16 и 28. Најдобро се совпаѓате со Монах и Желка, а никако не се согласувате со Столб од жад и Кобра.
КОБРА
Вие сте одличен говорник! Вие сте во состојба да ги воодушевите луѓето со најздодевната приказна. Можете да стимулирате емоции кај другите, и ако го користите талентот правилно, ве чека успех. Среќата во љубовта ќе ве следи цел живот. Во минатите животи сте биле пират, монарх, благајник и продавач на зеленчук. Вашите среќни броеви се 3, 15 и 27. Вие сте најдобри со Кожната нараквица и Силно сонце, додека не се согласувате со Чуварот на оган.
ЗМЕЈ
Непредвидливи сте, во еден момент сте огнен змеј, во друг шарена пеперутка. Вие сте способни да се издигнете над сите проблеми и да го гледате животот на поинаков начин. Во минатиот живот сте биле сликар, шверцер, гласник, поет и писател. Вашите среќни броеви се 2, 15 и 27. Одлично се сложувате со Црниот бик и Столбот од жад, и во никој случај со Кожната нараквица.