Познатата пејачка не се одделува од своето 37-годишно момче
Американската пејачка Мадона (62) во последните три недели посети пет различни земји, иако се во сила бројни забрани за време на пандемијата на корона вирусот во Светот.
Имено, сите патувања беа можни затоа што пејачката патува со приватен авион со своето семејство.
На патувањето ја следеше нејзиното момче, американскиот танчер и кореограф Ахламалик Вилијамс (26). Пред Божиќ, таа тргна за Лондон со своите четири деца, а со нив беше и Вилијамс. Подоцна, им се придружи и најстариот син на Мадона, Роко (20), па сите заедно се упатија кон Африка.
Тие беа на Малави една недела и таму се сретнаа со претседателот на таа земја. Се дружеа со локалното население и ја посетија болницата што ја основа Мадона.
Потоа, ја посетија Кенија, а Мадона се пофали дека е со помладото момче со племето Покот биле на западот од Кенија. Пред патувањето, целото семејство беше тестирано на Ковид-19 и сите беа негативни.
Патем, се чини дека разликата од 37 години помеѓу Мадона и Вилијамс не му пречи на никого и тие се разделуваат само во ретки моменти. Синот на Мадона, Роко има 20 години, додека нејзината ќерка Лурдес има 24 години, и никој не се грижи дека Вилијамс е само неколку години постар од нив.
Ахламалик е последниот во низата помлади мажи на Мадона со кои се забавува откако се разведе од режисерот Гај Ричи во 2008 година, кој беше 10 години помлад од неа.
– Таа не сака да гледа ниту мажи кои не се барем половина помлади од неа. Нејзините пријатели сметаат дека треба да се фокусира на постари момци, ако воопшто сака посериозна врска. Одлично е што таа сè уште успева да заведе такви деца, но ако ја погледнете историјата на нејзините љубовни врски, јасно ви е дека тоа нема да трае – изјави анонимен извор.