Иако многумина не се свесни за тоа, сосема е нормално меѓуножјето да има мирис: секое тело е специфично, а неговиот влажен дел со мукозната мембрана и уникатната комбинација на бактерии природно има свој мирис. Сепак, природниот мирис на вагината е благ, суптилен и не е непријатен. Но, што ако е?
Ако забележите дека мирисот на вагината е посилен, поагресивен од вообичаеното и, особено, непријатен, може да има причина за загриженост. Дури и да не постои, таквата промена треба да биде доволна за да закажете состанок со гинеколог – за секој случај.
Причините за промена на мирисот можат да бидат различни, од сосема безопасни до големи и загрижувачки.
Бактериска вагиноза
Ако чуствувате силен мирис кој потсетува на (не премногу свежа) риба, причината може да биде бактериска вагиноза, состојба во која анаеробните организми претерано растат, заменувајќи ги лактобацилите и менувајќи ја pH вредноста во вагината. Ова не е строго сексуално пренослива болест, но се поврзува со активноста помеѓу чаршафите.
Некои од индикаторите се уште сиво-бел секрет и pH вредност на вагиналната секреција над 4,5.
Габична инфекција
Мирисот во овој случај може да потсетува на квасец и не е толку забележлив да е неподнослив, но е многу карактеристичен. Главно е предизвикана од Кандида албиканс, која нормално живее во човечкото тело, дури и во вагиналната слузница, но се размножува прекумерно поради намален имунитет, по употреба на кортикостероиди, антибиотици и контрацепција, како и дијабетес, нарушувања на киселоста во вагината, итн.
Туѓо тело во вагината
Кога мирисот изгледа како гниење, можно е, колку и да ви звучи невозможно и лудо, сте заборавиле нешто во вашиот полов орган. Обично тоа е тампон, и во тие случаи има инфекција и непријатен мирис.
Промени во исхраната
Во случај кога непријатниот мирис на вагината наликува на некоја храна, може да се случи токму храната што сте ја јаделе да влијае на оваа промена.
Забележано е дека мирис на ананас, кромид, кафе, аспарагус се шири од пределот на меѓуножјето…
Овој проблем обично се решава сам од себе по неколку дена.
Менструација
Менструалниот циклус честопати е виновен за мирисот што личи на метал, кога киселоста на вагината се менува бидејќи менструалната крв е поалкална, а има и влошки и тампони кои влијаат на состојбата „таму долу“.