Овој прекрасен поглед го овековечи берлинскиот уметник Фредерик Шиндлер
Официјалниот профил на Инстаграм, на кој има повеќе од 357 милиони следбеници, објави прекрасна фотографија од Метеора во централна Грција. Православните манастири Метеора во грчката западна Тесалија се многу познати, како вистинско геолошко чудо и туристичка атракција.
Најимпресивниот впечаток на секој посетител на Метеора е невообичаената положба на црквите и манастирите, кои се сметаат за највредната група манастири во Грција по Светата гора, поради што се наоѓаат на списокот на УНЕСКО за културно наследство.
– Поздрав од Каламбака. Сонуваме за ова мало село сместено во подножјето на Метеора, во централна Грција. Метеора (што во превод значи „лебдечки камења“) се познати по комплексот манастири, кои биле изградени високо на овие природни столбови – пишува во објавата со фотографијата.
Оваа прекрасна глетка ја овековечи берлинскиот уметник Фредерик Шиндлер, а веќе има околу милион и пол лајкови.