Се ближи крајот на „туризмот со канабис“ во Амстердам: Иницијатива за намалување на бројот на посетители!

Во обид да се подобри имиџот на градот, градоначалничката на Амстердам, Фемке Халсема сака да ја ограничи клучната туристичка атракција, кафулињата каде се продава и консумира марихуана.

Само холандските жители ќе имаат право да влегуваат во кафулиња кои продаваат марихуана, на предлог на градоначалничката Фемке Халсема. Планот, поддржан од локалната полиција и обвинители, има за цел да го ограничи протокот на тешки дроги и организираниот криминал поврзан со трговијата со марихуана.

Пазарот на канабис е преголем и врел. Во последните години се зголеми побарувачката за канабис во Амстердам, како и бројот на „канабис-туристи“ кои доаѓаат во градот исклучиво да консумираат дрога. Овие „туристи за канабис“ се извор на проблеми за центарот на градот, а Амстердам е меѓународен град и сакаме убаво да се чуствуваат туристите. Би сакале туристите да доаѓаат поради богатството на градот, неговите убавини, неговите културни институции “, изјави за холандската државна телевизија градоначалничката Фемке Хаселма.

Иницијативата е последниот потег на Амстердам за активно намалување на приливот на посетители и подобрување на квалитетот на животот на жителите. Туристите го прогонуваат градот бидејќи поевтините летови го направија неговиот историски центар популарна дестинација за викендот.

Пред корона вирусот, неговата позната област со црвени светла, продавници за марихуана и живописни канали привлекуваа повеќе од милион посетители месечно – повеќе отколку што има градот становници.