Ако сакате да се ТЕТОВИРАТЕ, зимата е идеално време: Како да се грижите за вашата кожа после тетовирањето?

Треба да внимавате на хигиената, навиките и гардеробата

Периодот на заздравување на кожата по тетовирањето трае од 10 до 14 дена, а во тој период треба малку повеќе да се грижите за местото на тетоважата.

Самиот процес не е особено напорен, но сепак треба строго да се почитува за да се избегне инфекција.

Два до три часа по тетоважата, фолијата се отстранува и потребно е да се измие тетоважата со ладна вода и нежен сапун. Погрижете се сапуницата да биде густа и богата, а потоа со кружни движења нежно поминете со целата дланка, па исплакнете го сапунот.

Темелно избришете ја третираната површина со чиста крпа, но не со триење, туку со тапкање.

Почекајте неколку минути да се исуши кожата и нанесете тенок слој крема. Кремата треба да се нанесува почесто, но во потенки слоеви. Повеќето уметници за тетоважи ќе препорачаат пантенол, кој е достапен во сите аптеки.

Оваа рутина се практикува во првите 14 дена. Редовното нанесување на тенок слој од препорачаната крема спречува тетоважата да се исуши и да се формираат красти. Доколку се појават красти, не треба да се отстрануваат, туку да се исушат и сами да паднат.

Доволно е да ја миете тетоважата два пати на ден, наутро и навечер, а кремот да го нанесувате 5 до 6 пати на ден. Обидете се да не претерувате со кремот, кој не треба да остави трага, туку само природен, мрсен сјај.

Нормално е неколку дена по тетоважата да се појават неправилности на сликата, кои никако не смеете да ги допирате. Се препорачува потоа да користите крема што ја забрзува епителизацијата, како што е гореспоменатиот пантенол.

Чешањето е честа појава, но не се чешајте, туку нанесете тенок слој крем, доколку не можете да издржите.

Избегнувајте изложување на сонце и подолг престој во вода. Доколку сте љубители на летото и летните активности, зимата е многу подобар период за да се истетовирате.

Прескокнете ја теретаната и сите активности кои водат до потење. Облеката што ја носите во овој период нека биде поширока, полесна и поудобна.

По овој период потребно е да се продолжи со негата на тетоважата со нанесување на хидратантна крема.

Неопходно ‘‘тату артистот’’ да се придржува до одредени хигиенски прописи – да носи ракавици, да користи стерилна игла, со ракавиците да не ги допира ушите, носот, усните или телефонот.

Сите потребни информации треба да ви ги даде личноста кај која се тетовирате. Се препорачува да ги проверите искуствата на претходните клиенти и да отидете во студио за кое ги имате најдобрите препораки од луѓето што ги познавате.

Сè што ве интересира, без двоумење, треба да го прашате вашиот “тату артист’’, кој исто така треба да ви ги даде сите информации потребни за одржување на тетоважата.