Испробајте го методот кој најдобро функционира за вас
Речиси и да нема личност која нема стрии на барем еден дел од телото.
Тие се неизбежни, но не е невозможно да се отстранат.
Технички, стриите се лузни кои се појавуваат кога нашата кожа ненадејно се истегнува или се собира. Ваквите промени предизвикуваат разградување на колагенот и еластинот, што последователно создава забележлива трага на кожата.
За некои луѓе стриите се иритирачки како и мозолчињата, а за други ја претставуваат природната убавина на човечкото тело. Ако сте во оваа првата група, испробајте ги овие пет методи кои можат да ја намалат видливоста на стриите на минимум.
- Суво четкање
Сувото четкање е специфична форма на лимфна дренажа. Тоа е ајурведска практика која бара четка со дебели влакна. Пред да се истуширате, едноставно исчеткајте го целото тело со движења нагоре.
Што се однесува до стриите, сувото четкање всушност може да помогне во омекнување на масните наслаги што живеат под вашата кожа, принудувајќи ги да се шират порамномерно. Уште поважно, ако одржувате секојдневна рутина на суво четкање, вашата кожа ќе произведува повеќе колаген и бројот на стрии значително ќе се намали.
- Ретинол
Како дериват на витаминот А, ретинолот е познат по неговата способност да го стимулира обновувањето на клетките. Кога постојано нанесувате производ на база на ретинол на вашите стрии, кожата ќе доживее прилив на колаген и регенерација на епидермисот.
Ретинолот истовремено ја ексфолира и хидрира кожата, предизвикувајќи вашите стрии да станат минимални или целосно да исчезнат.
- Хидратација
Користењето на хидратантен препарат е едноставно кога станува збор за отстранување и спречување на стрии. Секој производ, од кокосово масло до шеа путер, ќе биде доволен за да ја одржувате вашата кожа нахранета и заштитена од траумите предизвикани од стрии.
Повеќето масла и природни навлажнувачи се богати со лауринска киселина која го олеснува производството на колаген.
- Масажа
Иако изгледа банално, никогаш не е лоша идеја да ги масирате вашите стрии. Масажата ја зголемува циркулацијата, како и растот на ново ткиво, што може да излечи руптури на кожата кои предизвикуваат формирање на стрии. Со текот на времето сигурно ќе забележите намалување на нивната видливост.