Веќе НИКОГАШ нема да ви се листаат и пукаат: Пет совети како да ги зајакнете НОКТИТЕ

Кога ќе го отстраните додатокот или гелот од вашите нокти, треба дополнително да се грижите за вашите нокти за да ја вратите нивната претходна структура и да ги зајакнете.

Дерматологот Дејна Стерн откри како можете да го направите ова, а воедно советува дека секогаш е подобро да имате пократки нокти бидејќи многу помали се шансите да се расцепат и пукаат.

Ако сакате да им дадете максимална нега на вашите нокти, следете чекор по чекор.

Користете стаклена турпија за нокти

– Евтините турпии залепени на картон можат да направат микроскопски дупки и процепи на работ на ноктот, а потоа тие да се лизгаат. Јас секогаш користам стаклена турпија. Благодарение на неа, рабовите на ноктите се целосно мазни и нема прелистување.

Извадете го лакот со производ без ацетон

– Ацетонот многу ги суши ноктите и го отежнува проблемот на оние кои имаат кршливи и склони кон кршење. Подобро е да користите отстранувач на лак, направен по формула која вклучува и масла за нега – објаснува докторката и потсетува дека е добро повремено ноктите целосно да се оставаат без лак.

Избегнувајте производи со формалдехид

– Вообичаените производи за зајакнување на ноктите ветуваат повеќе отколку што може да се надеваме – рекламите изгледаат премногу добри за да бидат вистинити – вели д-р Стерн.

Во многу од нив, вели таа, има формалдехид или формалин, агенси кои на почетокот ги зајакнуваат ноктите, но со подолга употреба ги прават кршливи и може да се случи дури и да се одвои плочката на ноктите.

Користете масло за нега на нокти

Редовно навлажнувајте ги ноктите и кутикулите и проверете дали формулата содржи квалитетни состојки.

– Најдобри се производите кои содржат фосфолипиди, ја зголемуваат еластичноста на ноктите – објаснува докторката. Такви се сончогледовото масло и маслото од бразилски ореви, па производите со овие масла треба да се втриваат во кутикулите неколку пати на ден.

Премачкајте ги ноктите со гликолна киселина

Гликолната киселина е одлична за обновување на кршливи нокти.

– Помага за зајакнување на кератинот, а има и хидратантна функција. Во исто време, оваа алатка врши и многу нежна ексфолијација на ноктот, што им помага на маслата за нега да имаат посилен ефект – објаснува докторката.

Покрај сето тоа, не заборавајте на стариот, добар трик на нашите мајки – секогаш кога миете садови или алишта – обавезно облечете гумени ракавици!