Внимавајте со кого се бакнувате: Кариесот може да се пренесе и со бакнеж?
Едно видео на TikTok предизвика многу коментари и преиспитување на ова тврдење
Следниот пат кога ќе помислите на страстен бакнеж, можеби ќе сакате да ги погледнете стоматолошките картони на вашиот партнер. Стоматолог од Хјустон не соочува со брутална вистина: може да добиете расипување на забите ако бакнете погрешна личност.
– Размислувам за бакнежот што му го дадов на мојот сопруг иако има кариес – пишува д-р Таснем Махмуд во своето видео, со натпис дека кариесот е заразен.
Клипот е прегледан повеќе од милион пати. Изгледа бизарно, бидејќи како може шуплината на вашиот заб да доведе до слична состојба во устата на вашиот партнер? Но, за стоматолозите тоа не е баш ударна вест. Според д-р Џон Федерстон, почесен професор и поранешен декан на Стоматолошката школа на Универзитетот во Калифорнија, Сан Франциско, експертите се свесни за преносливоста на кариесот од 1970-тите.
Видеото може да го погледнете ОВДЕ.
Расипувањето на забите е поврзано со присуството на одредени бактериски соеви во нашата уста, а овие бактерии може да се разменуваат меѓу луѓето преку плунката, и тоа со бакнување.
Федерстон, кој поминал четири децении работејќи на ова поле, забележал слични случаи во своето истражување. Но, мора да знаете дека бактериите не ја вршат работата сами. Друга, апсолутно неопходна работа за кариесот е внесувањето на она што ние го нарекуваме ферментирачки јаглехидрати. Значи, сахароза, гликоза, фруктоза, пченкарен сируп со висока содржина на фруктоза и леб во тој случај – вели д-р Федерстон.
Бактериите се хранат со јаглехидрати кои ние несвесно ги обезбедуваме и произведуваме киселина. Оваа киселина го раствора калциум фосфатот во нашите заби и доведува до кариес. Така, дури и ако вашиот партнер ви даде некои од овие бактерии, можете да ги подобрите вашите шанси да останете здрави со следење на добра стоматолошка пракса. Ова вклучува избегнување на прекумерно внесување на овие ризични јаглехидрати, одржување на многу ниска фреквенција на внес на шеќер во текот на денот помеѓу оброците.
– Бакнежот е навистина добар начин да се пренесе каква било болест од една личност на друга. Затоа мислам дека е многу важно да не се каже дека бакнувањето е лошо, бидејќи тоа е дел од човековата активност – изјави Федерстон.
Д-р Махмуд, исто така, се согласи, велејќи дека таа не советува експлицитно да се избегнува бакнување луѓе со расипани заби. Имањето кариес не е морална маана, но сепак внимавајте ако вашиот партнер има многу оштетени заби. Ќе треба дополнително да се грижите за вашата хигиена.