Актерот Тимоти Шаламе (25) се истакнува во секоја своја филмска улога, но и кога ќе добие не толку лесна задача да остави впечаток на црвениот тепих.
Младиот актер не се колеба да експериментира, но и да флертува со женската мода, а досега ни покажа безброј комбинации на облека кои неколку години претходно можеа да изгледаат малку контроверзни.
Сепак, тој успева да ги носи со неверојатна самодоверба и со задоволство ризикува, а така беше и на овогодинешните Оскари.
Ѕвездата на „Dune“ Тимоти Шаламе прошета на црвениот тепих пред театарот Долби пред 94-тото доделување на наградите на Американската академија за филмски уметности и науки во уште една авангардна варијанта на облека, а инспирацијата ја побара – на ревија за женска облека!
Шаламе избра струкирана јакна која ги нагласува рамениците, е во црна боја и покриена со светки, а е креација на модната куќа Луј Витон, чиј дизајн го потпишува Никола Гескјер, креативниот директор на овој бренд. Многу атрактивниот блејзер има ракави кои завршуваат со тантела, претставен е во колекцијата за пролет 2022 година, а е уште едно класично парче кое не ја познава сезоната, модната ера и, како што можеме да видиме, полот. За да биде уште поинтересно, Шаламе ја облече јакната преку голото тело.
Актерот носел и црни панталони, црни кожени длабоки чевли и ефектен прстен и ѓердан, а неговата коса, како и обично, била разбушавена.
„Нема кошула, нема проблем“, „Мажите да ни се извинат што не се Тимоти Шаламе“, „Тимоти Шаламе облече женска јакна и јас престанав да дишам“… се дел од коментарите на вознемирените обожаватели.