Сепак, актерот ја добил улогата
Актерката Дајан Китон тврди дека Ал Пачино не требало да го игра Мајкл Корлеоне во филмот „Кум“. Холивудската ѕвезда за време на едно интервју објасни и зошто.
– Се пријавив на аудиција за „Кум“, за кој никогаш ништо не сум прочитала и ништо не знаев, и само бев таму, стоев како и секоја друга жена. Не знаев зошто бев таму. И ме фрлија во таа улога! – изјави Китон за „Entertainment Tonight“.
Таа наведува дека продуцентите на филмот не го сакале Ал Пачино за улогата, но на крајот тој ја добил.
– Никој не го сакаше Ал Пачино. (Продуцентите) Не сакаа тој да ја игра улогата, а мене веќе ми беше доделена… Па застанав и работевме заедно пред продуцентите и тие му ја дадоа работата. Дали верувате во тоа? Откако претходно беше на аудиција и не го сакаа – рекла актерката, пренесува „avclub.com“.