Нема ништо полошо од купување сладолед, а тој почнува да се топи на половина пат дома.
Ситуацијата. се разбира, станува полоша колку е потопло надвор.
Сепак, не се сите сладоледи исти, а некои од нив доста добро ја „носат“ топлината.
Ова беше тема на студијата на професорот по физика од Универзитетот Нотингем Трент во Велика Британија, Едвард Бриџис.
Тој тестирал десет видови сладолед за да види кој најбавно се топи. Научникот ја репродуцирал летната температура во својата лабораторија, по што ја измерил конзистентноста, обликот, големината и брзината на топење на сладоледот.
Излегува дека чоколадниот сладолед најдолго ја задржува формата: тој е заштитен со тврда глазура, која има повисока точка на топење од мекиот фил. Овој сладолед може да издржи температури над 30 Целзиусови степени.
И сладоледот во корнет добро „се држи“ – ќе се стопи на температура од 28 степени за околу 40 минути. Оние во форма на валјак и направени од овошје (најчесто на база на вода) се топат најбрзо, дури едвај „преживуваат“ на температура од 17 степени Целзиусови.
– За да може сладоледот да остане што подолго во оптимална состојба не е важна само температурата, туку и временските фактори како ветерот и влажноста. Обликот и големината на десертот се исто така важни: колку е поголем односот на површината и волуменот, толку побрзо топлината од околината и човечките раце се пренесува на сладоледот, што доведува до негово топење – изјави Едвард Бриџис.