ЕВЕ ШТО СЕ СЛУЧУВА СО ВАШЕТО ТЕЛО АКО СЕКОЕ УТРО ЈАДЕТЕ ДИЊА: Овие промени ќе ги забележите, не фрлајте ги ни семките бидејќи и тие помагаат

4 јули, 20220
Screenshot_1

Дињата е едногодишно тревно растение, кое припаѓа на семејството Cucurbitaceae и затоа се смета за зеленчук.

 

Се нарекува и дина, мелон, пекун, пипин и пепун. Меѓутоа, многумина ја сметаат дињата за овошје.

 

 

Нутритивна вредност на дињата

 

Една порција од 150 гр диња содржи: 53 калории, 0,3гр масти, 13 g јаглени хидрати, 1,4 гр влакна, 30% од дневната количина на витамин А, 78% од дневната количина на витамин Ц.

 

Кај некои калифорниски сорти биле измерени 100 отсто од дневните потреби на витамините А и Ц. Ова вкусно овошје е богато со антиоксиданси, холин, зеаксантин и бета каротен, кои обезбедуваат заштита од голем број болести – од настинка до рак. Со оглед на тоа што 90-95% од нејзиниот состав е вода, таа е идеално овошје за хидратација во топлите летни денови.

 

Семињата, кои исто така се јадливи, содржат протеини, влакна и омега-3 масни киселини во форма на алфа-линоленска киселина.

 

Помага при крвниот притисок

 

Диња содржи влакна, калиум, витамин Ц и холин кои го подобруваат здравјето на срцето. Јадењето храна богата со калиум помага во регулирањето на нивото на натриум, што е важно за лекување на високиот крвен притисок. Калиумот му помага на телото да го ослободи вишокот натриум и на тој начин го намалува покачениот крвен притисок. Калиумот е потребен и за регулирање на рамнотежата на водата, киселинско-базната рамнотежа и невромускулната функција, а исто така игра важна улога во преносот на електричните импулси до срцето. Внесувањето на калиум е поврзано и со намален ризик од срцев удар и губење на мускулната маса. Овој минерал ја зачувува густината на коските и го спречува создавањето на камења во бубрезите.

 

Го намалува ризикот од астма

 

Ризиците од развој на астма се помали кај луѓето кои консумираат поголеми количини на одредени хранливи материи. Еден од нив е бета каротенот, кој се наоѓа во жолто и портокалово овошје како дињи, тикви, моркови и зелен лиснат зеленчук како спанаќ и кељ. Витаминот Ц е исто така важна хранлива материја која штити од астма, помага од губење на кислород и го намалува ризикот од алергиски реакции, а дињата го содржи во големи количини.

 

Помага за здравјето на очите

 

Дињата содржи хранливи материи важни за здравјето на очите – бета каротен (од кој се ослободува витаминот А), витамин Ц, лутеин и зеаксантин. Зеаксантинот е важен каротеноид кој се апсорбира во мрежницата на окото каде што делува како антиоксиданс и заштита од УВ. Неколку студии покажаа дека каротеноидите го забавуваат деструктивниот процес во мрежницата и ретиналниот пигмент што доведува до макуларна дегенерација (болест на централниот дел на мрежницата што обично се јавува кај постарите лица). Имајќи предвид дека бројни студии покажаа дека тежок недостаток на витамините А и Ц може да доведе до глауком и макуларна дегенерација, па дури и слепило, дињата е одличен избор за спречување или забавување на развојот на овие нарушувања.

 

Го регулира варењето

 

Дињата е лесно сварлива храна и се препорачува да се јаде на празен стомак и пред друг оброк. Добар избор е и за оние со чувствителен стомак бидејќи содржи ензими и не ја користи енергијата на телото за варење на храната. Поради изобилството на влакна и вода, спречува запек и помага во регулација на варењето, здравјето на дигестивниот тракт и исфрлањето на токсините од цревата.

 

Има антиинфламаторно дејство

 

Холинот е важна хранлива материја во дињата која помага за подобар сон, учење и меморија. Важно е и за одржување на еластичноста на клеточните мембрани, пренос на нервните импулси, искористување на маснотиите и намалување на хроничното воспаление. Редовното консумирање диња помага да се намали оксидативниот стрес и на тој начин се намалуваат воспалителните процеси кои можат да доведат до развој на артритис. Воспалението во телото е поврзано и со појава на метаболички синдром, кој означува група на метаболички нарушувања. Овие нарушувања се манифестираат како отпорност на инсулин, акумулација на масно ткиво во абдоминалната област (абдоминална или централна дебелина), висок холестерол и покачен крвен притисок. Истражувањата покажаа дека жените кои консумирале 350 грама овошје дневно имале значително помал ризик од развој на овој синдром. Студијата опфати диња, јаболка, грозје, лубеница и банани.

Leave a Reply

Your email address will not be published. Required fields are marked *