Ниту една промена во животниот стил не може да гарантира дека нема да добиете артритис, но постојат навики кои би можеле да помогнат да се намали ризикот од потешки симптоми на болеста.
Некои од овие навики се поврзани со исхраната, а новите студии тврдат дека суплементацијата на витамин Е би можела да помогне во спречување и лекување на ревматоиден артритис.
Во студијата објавена кон крајот на април оваа година во European Journal of Clinical Nutrition, истражувачите од болницата Ксиан Хонгхуи во кинеската провинција Шанкси анализираа податоци од бројни извори за можноста суплементацијата со овој витамин да влијае на исходите поврзани со болеста. .
Голема мета-анализа откри дека суплементите на витамин Е имаат позитивен ефект врз лицата со ревматоиден артритис, ублажувајќи ги проблемите со чувствителноста на зглобовите и отокот.
„Способноста на витаминот Е да ја обнови цревната бариера и да ја подобри работата на гастроинтестиналниот тракт може да биде поврзана со превенција и третман на ревматоиден артритис“, пишуваат авторите на студијата.
„Додатоците на витамин Е кои се користат редовно може да им помогнат на луѓето со оваа болест да ја намалат непријатноста во зглобовите, отокот и вкочанетоста, како и да го подобрат нивниот севкупен квалитет на живот.
Сепак, нутриционистот Јинер Халтин предупредува дека не се препорачува суплементација без претходна консултација со лекар:
„Имајте на ум дека додатоците на витамин Е може да имаат интеракција со некои други додатоци и лекови.