НОВИ ДЕТАЛИ ЗА МИСТЕРИОЗНАТА СМРТ НА МЕРИЛИН МОНРО: Нетфликс документарец открива кој ја повикал на кобната ноќ во 1962

Откако Ким Кардашијан го облече фустанот на Мерлин Монро на Мет Гала, таа го оживеа споменот на легендарната дива.

Поминаа речиси 60 години од смртта на Мерлин Монро, еден од најмистериозните и најшокантните настани во Холивуд. Обезбедувањето ја пронашло познатата актерка во нејзиниот дом на 4 август 1962 година. Имала само 36 години, била на врвот на кариерата и никогаш не беа разјаснети околностите на нејзината смрт, што доведе до различни теории на заговор. Сега, нов документарен филм истражува една од тие теории, алудирајќи дека семејството Кенеди било вмешано во несреќата.

„The Mystery of Marilyn Monroe: The Unheard Tapes“, сега достапен на Нетфликс, а во режија на Ема Купер, не донесува заклучоци, но дава нов контекст за нејзината смрт. Документарецот користел повеќе од 650 снимени интервјуа што ги направил новинарот Ентони Самерс со неговите пријатели, соработници, па дури и приватни истражители ангажирани да ја шпионираат.

Филмот сугерира дека Мерилин имала афера со Роберт Кенеди и неговиот брат, тогашниот претседател Џон. Исто така, сведоци од Брзата помош велат дека таа не била мртва кога пристигнала брзата помош.

Новинарот Џон Шерлок вели дека таа всушност починала во амбулантата, но нејзиното тело подоцна било вратено во станот. „Ова целосно го менува она што мислевме дека го знаеме за нејзината мистериозна смрт. Тоа исто така сугерира дека околностите на нејзината смрт биле прикриени. Доказите сугерираат дека [околностите] биле скриени поради врската помеѓу неа и браќата Кенеди“, тврди Ентони Самерс во документарецот.

Погледнете го трејлерот подолу кој ја истражува смртта на Мерлин Монро по 60 години.