Еден несакан ефект по бустер дозата на вакцината ги збунува луѓето: Лекарите имаат објаснување

Отекување на лимфните јазли може да настане како реакција на организмот на примената вакцина, што го изјавија производителите на вакцините.

Некои од вообичаените несакани ефекти по првата и/или втората доза на вакцината против корона вирус се болка на местото на инјектирање, замор, треска и главоболка – како и по примање на која било друга вакцина.

Сепак, се чини дека несакан ефект по третата доза е отечени лимфни јазли. Овој несакан ефект е пријавен од Австралијците кои се одлучиле за бустер доза.

Лимфните јазли или лимфните жлезди содржат бели крвни зрнца кои можат да помогнат во борбата против инфекциите со напаѓање и уништување на патогени кои се пренесуваат преку лимфната течност. Постојат стотици лимфни јазли низ телото, вклучувајќи го вратот, пазувите, градите, стомакот и препоните.

Неодамнешниот извештај на TГA покажа дека отечените лимфни јазли се најчестиот несакан ефект пријавен по примањето на бустер дозата на вакцината против корона вирус.

Од 2,5 милиони бустер дози добиени во Австралија до 2 јануари, TГA има добиено околу 600 извештаи за несакани ефекти, пишува news.com.au

– Отекувањето на лимфните жлезди е нормална и добро позната нуспојава на вакцините и се јавува при стимулирање на имунолошкиот систем – пишува ТГА, додавајќи дека тоа било забележано при клиничките испитувања за вакцините против вакцините против коронавирус.