За време на шестдневната авантура, ќе поминете по неверојатниот норвешки атлантски пат, каде што е снимен дел од последниот филм за Џејмс Бонд – Нема време за смрт.
Единствено и незаборавно се два збора кои најдобро го опишуваат шестдневниот туристички пакет организиран од норвешката компанија „62°NORD“ низ недопрената норвешка дивина, прекрасните фјордови и планинската област Сунморсалпене.
Во зависност од вашите преференции, можете да тргнете во адреналинска авантура на два начина: со велосипед или со автомобил.
Љубителите на педалите ќе ја изберат турата „Ride the Fjords“. Качете се на обичен или електричен велосипед и тргнете на една од најспектакуларните велосипедски тури во Северна Европа.
За време на шестдневната авантура, ќе поминете 400 километри од магичната норвешка природа, а патувањето завршува со искачување на кривулестиот планински пат Тролстиген кој ве води покрај највисокиот вертикален камен ѕид во Европа, Тролвеген.
Турнејата „Drive the Fjords“ ви дава можност да ја истражите убавината на Норвешка со електричен автомобил – поточно со „Porsche Taycan Cross Turismo“. За време на шестдневната авантура ќе поминете по неверојатниот пат „Atlantic Ocean Road“, каде што е снимен дел од последниот филм за Џејмс Бонд – „Нема време за умирање“.
На крајот на денот, ќе бидете сместени во најдобрите скандинавски хотели – „Storfjord“ и „Hotel Union Øye“, кои се совршени примери на норвешката традиција и гостопримство. Овде можете да се опуштите во сауна и џакузи, да уживате во специјалитетите од локалната кујна и длабоко да се одморите пред нов ден и нова авантура.
Цената? Вистинска ситница. Почетен пакет за овие шестдневни авантури со велосипед или електричен автомобил може да се резервира по цена од 69.000 норвешки круни или околу 500 денари.