ЕКСПЕРТИТЕ ОТКРИВААТ КОГА НЀ ОЧЕКУВА НОВ БРАН НА КОРОНАТА: Датумот е сѐ поблиску!

„Многу сум загрижен“, изјави д-р Грегори Поланд, шеф на истражувачкиот тим за вакцини во клиниката Мејо.

 

 

 

„Немојте да мислите дека пандемијата на Ковид се повлекува. Може да се развие и да стане посериозна“, предупредија експертите оваа недела.

 

BA.4 и BA.5 се најновите подваријанти на високо заразната омикрон варијанта и се чини дека имаат некои карактеристики што би можеле да претставуваат нов бран на ковид.

 

BA.4 и BA.5 на крајот на мај беа означени како „варијанти на загриженост“. Тие првпат беа откриени во Јужна Африка во јануари. Денес тие сѐ повеќе се појавуваат во САД. Американските центри за превенција на болести во вторникот соопштија дека BA.4 и BA.5 сега претставуваат 21 процент од случаите на ковид ширум светот.

 

„Се чини дека овие две подваријанти се подобри во избегнувањето на заштитата од вакцини и имунитетот од претходни инфекции“, велат експертите.

 

„Многу сум загрижен“, изјави д-р Грегори Поланд, шеф на истражувачкиот тим за вакцини во клиниката Мајо.

 

Експертите велат дека способноста на BA.4 и BA.5 да избегнуваат слоеви на заштита ги прави поверојатни реинфекции, што може да донесе уште еден бран на вируси.

 

Севкупно, варијантата омикрон произведе поблага форма на болеста од претходните варијанти како алфа и делта. Тоа е затоа што омикронот првенствено влијае на горниот респираторен тракт, предизвикувајќи симптоми слични на настинки или алергии, наместо да се смести во белите дробови, што ги направи раните варијанти толку смртоносни.

 

Но, Гардијан оваа недела објави истражување од Универзитетот во Токио кое сугерира дека подваријантите BA.4, BA.5 и BA.2.12.1 можеби еволуирале за повторно да ги таргетираат клетките на белите дробови наместо ткивото на горните дишни патишта, што ги прави слични на алфа или делта.

 

„Нашето истражување сугерира дека ризикот од овие варијанти, особено BA.4 и BA.5, е потенцијално поголем за глобалното здравје отколку ризикот од оригиналниот BA.2“, рече главниот автор на студијата Ке Сато.

 

Здравствените експерти велат дека BA.4 и BA.5 не предизвикуваат потешка болест од другите форми на омикрон, а вакцините и бустер дозите продолжуваат да обезбедуваат силна заштита од сериозни форми на болеста. Сепак, невакцинираните луѓе се ранливи, а континуираната способност на вирусот да мутира значи дека пандемијата не е завршена.