Лесно се прави
Речиси секоја жена би сакала да има подолги и погусти трепки, за да не троши време нанесувајќи маскара секое утро. За многумина дури ни маскарите не го даваат посакуваниот ефект бидејќи трепките им се ретки и кратки. Во последните години се појавија бројни третмани за продолжување и подигнување на трепките, но тие треба да се земаат со резерва, особено ако имате чувствителни очи склони кон алергиии. Доколку сакате да го стимулирате растот на трепките и да ги направите погусти, можете сами да си направите гел. Еве што ви треба за него:
Состојки:
Чист алое вера гел
1 ампула витамин Е
Рицинусово масло
Подготовка:
Во стерилна тегла истурете гел од алое вера, ампула витамин Е и неколку капки рицинусово масло. Сè добро измешајте и чувајте го во фрижидер. Добро измијте ја старата четка за маскара и исушете ја, а потоа користете ја за да го нанесувате гелот на трепките секоја вечер пред спиење.
Доколку имате чувствителни очи, внимавајте да не влезе содржината на гелот во окото, туку нанесете го само по горниот раб на трепките. Ако се појави иритација, веднаш престанете да го користите и консултирајте се со лекар!