Последната модна недела во Париз неодоливо не потсети на трендот на шишки што речиси секој го имал барем еднаш во детството. Токму тоа е периодот во кој ние како деца првпат се фативме за ножици и, секако, тајно си ги отсековме предните прамени на себе или на нашата сестра/брат.
Додека микро шишките порано за нас значеа само грешка што се случи на патот кон сечење на стандардна должина на шишки, оваа година, според модните шпекулации, тие се враќаат на големо.
Кога Меган Фокс минатата година се појави на Мет Гала со микро или „бејби шишки“, предизвика поделени мислења поради нејзиниот необичен изглед. Додека некои чувствуваа дека им недостига женственост, сите се согласија на еден факт – ова е навистина нешто необично.
Меган Фокс не е единствената која пробала бунтовни и малку диви микро шишки. Така направија и Дуа Липа, Шарлиз Терон, Бела Хадид, Лејди Гага.
И додека традиционалните шишки ги покриваат веѓите или се директно над нив, микро верзијата бара тие да бидат уште пократки – до половина од челото и да ги откриваат целите веѓи.
Фактот дека можете да ги носите исправени, неуредни или уредни, само докажува дека тие можат да се прилагодат на секој облик на лице. Сепак, овој пат заборавете на опцијата „направи сам“ и задолжително посетете професионален фризер во случај да се решите да направите чекор за да ги скратите шишките на микро должина.
“Кратките шишки дефинитивно покажуваат дека сте полни со самодоверба. Тие се бунтовничка фризура и дефинитивно не е за луѓе кои немаат храброст. Претпочитам кога имаат природна текстура отколку да се целосно исправени”, рекол славниот фризер Џејмс Прајс. .
Иако во еден момент беа малку заборавени, познатата актерка Алекса Деми од хит серијата „Еуфорија“ ги врати во фокусот на трендовите за убавина.
Таа ја претстави најновата верзија на микро шишки на ревијата на брендот Баленсијага за време на модната недела во Париз.