Зошто не е добро да носите ПРЕПОЛНА ТОРБА и зошто штиклите и полната чанта се ОПАСНА комбинација?

Се почести се болките во вратот, рамената и грбот, а за тоа придонесуваат и чантите кои секојдневно ги носиме.

Експертите предупредија дека честото носење полна и тешка чанта, како и штикли, може да има последици по мускулите, пишува Информер.

Американскиот физиотерапевт Донг Џонс вели дека тежината на чантата може сериозно да му наштети на здравјето, што особено се однесува на жените, кои имаат тенденција да го носат и она што им треба и она што не им треба во чантата.

„Носењето полни чанти на едното рамо или на раката цел ден по некое време го компромитира вашето држење, што секако лошо влијае на вратот и грбот“, објаснува тој.

По 17 години работа и искуства со бројни пациентки, Џонс истакнува дека последиците од носењето преполнети чанти се уште полоши за оние кои не водат активен живот, но поголемиот дел од времето го поминуваат работејќи во канцеларии и дома седејќи пред ТВ.

– Најлоши се чантите кои се носат на рамо. Малите чанти се далеку подобри, поради ограничениот простор бидејќи одговараат само за неколку работи. Мојот тим истражуваше и откри дека во торбите на рамо има во просек до 25 предмети – открива тој.

Штиклите и чантата се опасна комбинација

Жената која носи тешка чанта на рамо, а во исто време оди на високи потпетици, по половина час ќе има болки во вратот, грбот и колената.

– Вратот се наведнува на страна за да се врати рамнотежата, што доведува до мускулна напнатост и воспаление. Рамото на кое се носи чантата се поместува наназад, а оваа положба влијае на грбот, лопатките и потпорните мускули на ‘рбетот, па тие се заморуваат и грчат, а потоа не можат добро да го поддржат’ рбетот. Ако чантата се носи само на едната страна, може да ги иритира и нервите и ‘рбетот. Колку е поголем товарот, толку е поголем притисокот врз зглобовите, па тие се истрошуваат, а колената се под стрес – објаснува д-р Расел Стокер од Британското здружение за хиропрактика.

Оваа студија покажа дека просечната тежина на женската чанта е околу 3 килограми, а направена е скица на изгледот на жена која носи таква чанта со ремен на истото рамо. Таа обично има спуштено рамо и често издолжени нерви кои одат од вратот до раката, а често се жали на болка и пецкање во раката.

– Чантата со лаптоп обично е најтешка, па болката е поинтензивна, а ранците, пак, не се проблем се додека се носат на двете рамења – заклучува Џонс.