Ширакава, традиционално уредено село сместено на јапонските Алпи е популарно ширум светот поради идиличната атмосфера што ја создаваат карактеристичните куќи со наведнат покрив. Скриен меѓу високите планини и густите шуми во централна Јапонија, освен по прекрасната природа, се карактеризира и со традиционални куќи. Ги нарекуваат гашо-зукури, а се препознаваат по сламени покриви кои наликуваат на раце склопени во молитва.
На секои дваесет години треба да се замени сламата на покривите, па не е невообичаено да се видат Јапонците со полни раце работа за да можат куќите да ги издржат студените зими со многу врнежи. Куќите создаваат посебна сцена во зима кога се покриени со снег, но во пролет со цветовите на црешата не се помалку интересни.
Во раните 1990-ти, ова бајковито село во префектурата Гифу беше вклучено во списокот на светско наследство на УНЕСКО, што доведе до нагло зголемување на бројот на туристи. Мала рурална заедница со 1.600 жители годишно броела 2,15 милиони туристи од целиот свет.
Меѓутоа, во 2019 година, властите одлучија да ги ограничат посетите со воведување листа на чекање за туристи, а следната година Ширакава повторно го разбуди интересот кога се најде на холандската листа на најодржливи дестинации во светот.
Освен што живеат во хармонија со природата и избегнуваат масовен туризам, Холанѓаните ги пофалија и строгите мерки за заштита од пожари во јапонските села. Бидејќи дрвените куќи со сламени покриви се ранливи на пожар, жителите рутински го обиколуваат селото неколку пати на ден во потоплите денови за да се заштитат од пожар.
Кога во 2019 година избувна пожар во една од куќите, сите мештани притрчаа да им помогнат на пожарникарите да го спасат селото од пожарот. Покрај тоа, во селото е забрането пушење за да се спречат несреќи.
Од почетокот на 2021 година, општинските власти, вклучително и префектурата на Гифу, преземаат строги мерки за заштита на локалното население од пандемијата, па на туристите им се препорачува да се запознаат со забраните и правилата пред да го посетат.