Со овие совети, градникот никогаш повеќе нема да ве боцка.
Европските мерки за градници се од 65, 70, 75…, додека длабочините на корпите се означени со букви, почнувајќи од А до Д. Мерките означени со бројки се мерки за обемот под градите. Значи, земете кројачки метар и завиткајте околу градите, но останете на висината на која го носите градникот. Заокружете го бројот што го добивате до најблиската големина.
На пример: се измеривте и добивте 78 см, не треба да земате градник чија големина е 80, туку 75. Тоа е затоа што тие имаат копчиња кои служат токму за тоа – да го зголемат растојанието за градникот поудобно да ви стои на градите.
Кога станува збор за корпите, нивните големини, како што веќе знаете, се одредуваат со букви. За да одредите која корпа е совршена за вас, треба да го измерите обемот околу брадавиците на градите. Ќе треба малку да пресметувате, но не грижете се, не е страшно.
Споредете ги двата добиени резултати – мерката под градите и мерката околу градите. Ако обемот околу градите е поголем од обемот под нив во интервал од 12 до 14 сm – тогаш ви одговара корпата А.
Ако таа разлика е во опсег од 14 до 16 cm тогаш вашата корпа е B и така натаму. Во ова може да ви помогнат и калкулаторите на Интернет. Сè што треба да имате е метар и веќе сте завршиле половина од работата.
Не заборавајте, градниците не се направени за да ве боцкаат и измачуваат, ниту да ви ги стискаат градите и да ви се врежуваат во кожата.
Градникот што го носите треба да ви дава чувство дека некој ги држи вашите гради со раце, што дефинитивно е многу подобро чувство од градниците што ги носите моментално. Затоа, жени, метрото во раце и пронајдете си го совршениот градник.