Изгледаат прекрасно, но предизвикуваат голема штета: Поради овие фризури ви пука косата

Се разбира, фенирањето, пеглањето, па дури и самото миење на косата не е секогаш добро за вашата коса – ја оштетува, но таквите работи се неизбежни, па не можеме целосно да ги елиминираме. Но, поради тоа можеме да го намалиме правењето на следните фризури:

Пунџа

Различните видови пунџи се многу лоши за нашата коса. Затегнувањето на косата и нејзиното виткање е многу напорно и штетно. Спиењето со пунџа особено не е добро, што многу жени го практикуваат. Многу е важно да си легнете со пуштена коса, за да избегнете оштетување на коренот на косата.

Плетенки

Плетенките станаа тотален хит во светот. Девојките ги прават за свечени пригоди и за секојдневни излегувања, но тоа воопшто не е добро. На ист начин како и опавчето, косата пука и почнува да се листа. Премногу стегање на влакната на главата ја прави косата послаба кога ќе ја пуштите. Доколку веќе правите такви фризури, задолжително користете регенератор или маска кое ќе ви ја опорави косата при миењето.