Имате КОКОШЈА КОЖА на рацете или бутовите: Што ја предизвикува и како да го решите проблемот?

Проблемот е од чисто естетска природа

Црвените дамки кои се појавуваат на кожата и наликуваат на иритација, но траат долго, во народот се познати како кокошја кожа.

Според дерматолозите, овој проблем се јавува кога кератинот се акумулира во фоликулите на косата, предизвикувајќи појава на мали грутки на различни делови од телото. Често е генетски фактор.

Овој феномен може да се појави на надлактиците, нозете, а понекогаш и на вратот и лицето.

Според експертите, кератоза пиларис, како што професионално се нарекува оваа состојба, се јавува и поради акумулација на мртви клетки на кожата. Оваа состојба е почеста кај луѓето кои имаат проблеми со атопичен дерматитис.

Друга причина за оваа состојба е фоликулитисот предизвикан од воспалени и иритирани фоликули на влакната на бутовите и нозете, што често се јавува после бричење. Може да биде предизвикана и од поткожни влакна или испукани капилари.

Сигурен и точен лек за оваа состојба сè уште не е пронајден, но исто така нема причина за грижа, бидејќи мала промена во рутината за нега на кожата може да го ублажи проблемот.

Според експертите, исклучително е важно да се вратат липидите и влагата во фоликулот на косата, па затоа набавете некои од производите со липиди, церамиди и хидратантни состојки како хијалуронска киселина или глицерин.

Се препорачуваат и препарати на база на уреа и витамин А.

Покрај тоа, можете да барате креми со ретинол или млечна киселина, кои на вашата кожа ќе и дадат лесен пилинг. Експертите тврдат дека комбинацијата од нежно чистење и секојдневна употреба на креми или лосиони ќе помогне да се растворат кератинските чепови и да и помогне на вашата кожа да закрепне.