Како да ги добиете големите бранови кои ЈLo ги носи веќе со години? Фризура полна со волумен која може да се добие и дома

Пејачката Џенифер Лопез е позната по своите големи локни кои не само што и даваат волумен на косата, туку се фантастичен избор кога сакате да изгледате како дива од холивудските филмови.

Трендот кој некогаш владееше се враќа на голема врата, па не се сомневаме дека ќе биде еден од фаворитите во наредниот период. Но, иако досега сте морале да посетите фризер за вакво нешто, всушност постои начин да го добиете истиот ефект во „домашна атмосфера“ со неколку трикови.

На социјалната мрежа TikTok корисниците станаа опседнати со додатоци за коса кои веројатно се наоѓаат во задниот дел од плакарот на вашата мајка или баба. Ова се добро познатите големи витлери.

Жените седеа со часови на фризер, а потоа трпеливо чекаа под хаубата додека виткачите се загреваа, но за среќа, сега е време за нови техники. Пред се, за вакво нешто ви требаат големи витлери, бидејќи не можете да добиете латино дива фризура со помош на мали.

Исто така, се препорачува да набавите таканаречени топли или електрични виткачи кои подолго ќе ви траат на косата.

Истиот ефект можете да го постигнете и со класичните витлери, но во целиот процес мора да вклучите пена и фен за коса. Најдовме туторијал кој ќе ви помогне да ги рекреирате вашите омилени фризури на познатата JLo: