Ако искусувате типични симптоми слични на настинка, можеби имате корона вирус
Професорот Тим Спектор, основач на апликацијата „Covid Zoe Symptom Tracker“, предупреди дека чувството на замор и болно грло може да бидат знаци на болест. „Симптомите на ковид и настинка се главно исти, освен што со ковидот генерално сте поуморни и имате болки во грлото – затоа најдобро е да се претпостави дека е ковид“, објасни тој. „Има двојно повеќе случаи на корона од обичните настинки – односот никогаш не бил поголем“, рече тој. „Да се надеваме дека овој бран ќе заврши наскоро“, додаде.
Експертите во апликацијата откриле дека 58 отсто од луѓето со корона вирус имаат болки во грлото, додека 47 отсто имаат главоболка. Најновите податоци покажуваат дека околу 43 отсто од луѓето страдаат од кашлица, 41 отсто од затнат нос и 39 отсто од течење на носот.
Минатата недела, истражувачите сугерираа дека може да има дополнителни 48 помалку познати несакани ефекти што може да ги искусат долгорочните пациенти со ковид. Во меѓувреме, студиите покажаа дека еден од 20 луѓе кои ќе се заразат може трајно да го изгуби чувството за мирис или вкус.