Кајли Џенер е позната како личност која остава силен впечаток кај публиката со своите комбинации каде и да се појави. Истото го направи и синоќа, кога се појави на ревијата на познатата куќа „Balmain“.
Иако имаше многу познати личности, светските медиуми пишуваат дека младата Кајли ги украла сите симпатии на публиката.
Таа најпрво се појави во долг тесен бел фустан, кој одлично ги истакна нејзините облини. Она што го прави овој фустан толку посебен се ракавите налик на крилја. Кајли носеше обетки во кои има шила, а необични црно-бели очила го комплетираа целиот стајлинг.
Кајли не го промени само фустанот, туку и фризурата, па од висока пунџа премина на пониска и на тој начин покажа дека со добра екипа се е можно.
Кога станува збор за другиот фустан, Кајли облече хеклан бел фустан кој го откри нејзиното бујно деколте.
Според модните експерти, овој фустан е наменет да покаже повеќе отколку што треба и да даде ефект на голо тело, па затоа Кајли носеше проѕирни потпетици.