КЕЈТ СЕ ПОЈАВИ ПРВ ПАТ ПОСЛЕ ПОГРЕБОТ И ТОА ВО МНОГУ СКАП ФУСТАН: Вилијам и таа мора да работат, додека кралот Чарлс одмара
Принцот Вилијам и Кејт Мидлтон се вратија на кралските должности, иако се уште има период на жалост. Нивниот изглед предизвика големи контроверзии.
Принцот Вилијам и Кејт Мидлтон продолжија со своите кралски должности, иако би требало да почекаат до следниот понеделник, кога ќе заврши периодот на жалост.
Принцезата од Велс и принцот Вилијам денеска им се заблагодарија на волонтерите и оперативниот персонал кои помогнаа да се организира погребот на кралицата Елизабета Втора во Лондон.
Принцот од Велс, кој на членовите на персоналот им рекол дека „утешно е што толку многу луѓе покажале сочувство“, додавајќи дека таквата поддршка ги олеснува работите, пишува „Дејли мејл“.
Кејт и Вилијам им се заблагодарија на оние кои учествуваа во организирањето на богослужбата во капелата Свети Џорџ во Виндзор, одржана по мисата во Вестминстерската сала во Лондон, како и на сите што се собраа тој ден да ја испратат кралицата и да ги поддржат членовите на дворот.
Вилијам вчера одржа видео говор на самитот во Њујорк. Принцот требал да присуствува на настанот во живо, но го откажа патувањето по смртта на кралицата кога се променија сите планови на дворот.
Вилијам и Кејт не се единствените членови на кралското семејство кои се вратија на работа денес. И принцезата Ана отиде во поморската база Портсмут, каде што се ракуваше со персоналот на Кралската морнарица што учествуваше во поворката.
Другите членови на кралското семејство, исто така, ќе им се заблагодарат на луѓето кои учествуваа на погребот на кралицата и ќе оддадат почит.
За важна пригода која беше проследена од речиси целата британска јавност и која е првиот чекор за Кејт и Вилијам по историската промена што ја донесе смртта на кралицата, принцезата од Велс облече фустан од престижната италијанска модна куќа, се работи за капут-фустан со едноставен крој украсен со златни копчиња. А целиот стил го комплетираше со дискретни обетки и прстен.