Колку е важен сонот за убавината: Пет работи можат да ѝ се случат на вашата кожа ако не спиете 8 часа
Спиењето е исклучително важен фактор кога станува збор за изгледот и здравјето на нашата кожа
Дали знаевте како недостатокот на сон може да влијае на нашата кожа?
- Бледа кожа
Ако не му обезбедите доволно сон на вашето тело, може да дојде до зголемено лачење на хормони на стрес, односно кортизол. Кортизолот може да ги разгради протеините на кожата одговорни за сјај и мазност. Кога спиеме, протокот на крв во нашето лице се зголемува, така што на клетките им се обезбедува повеќе кислород. Во спротивно, клетките на вашата кожа нема да имаат доволно кислород, што дополнително може да доведе до оток и бледило.
- Дехидрација на кожата
Кога нашето тело не ја добива потребната количина на одмор, се нарушува нивото на влажност и рН на кожата! Имено, pH вредноста на кожата може да падне, што доведува до тоа кожата да ја изгуби влажноста и да дехидрира. Ова го покажа студијата спроведена во Кореја пред 2 години, во која беа опфатени 32 жени. Групата жени кои спиеле само 4 часа имале помалку еластична, бледа и помалку сјајна кожа.
- Подочници
Никој не сака темни и подуени кругови околу очите, а тоа е најчеста последица од недоволното спиење. Темните кругови често се предизвикани од несоница – во тој случај крвните садови се шират, што го деформира изгледот на тој дел од лицето. Кога спиете редовно, протокот на крв се подобрува и нашата кожа изгледа помазно и посвежо.
- Послабо производство на колаген
Оваа можна последица е тесно поврзана со лачењето на кортизол. Имено, веќе кажавме дека недостатокот на сон влијае на зголеменото лачење на хормоните на стресот. Ако лишувањето од сон стане хронично, тоа станува хронично лачење на хормони на стрес. Кортизолот негативно влијае на производството на колаген и еластин во нашата кожа. Без доволно колаген и еластин, нашата кожа станува потенка и почнува да се „брчка“. Покрај тоа, недоволното производство на колаген може да ги направи вашите нокти и коса кршливи и безживотни.
- Знаци на стареење
За време на добар и квалитетен сон, кој трае помеѓу 6 и 8 часа, обновувањето на клетките се удвојува, а понекогаш и тројно! Во текот на вечерта, шансите за обновување на оштетените клетки на кожата се многу поголеми отколку во текот на денот. Од ова, заклучокот е очигледен: кожата ќе изгледа постаро отколку што всушност е ако не спиете доволно. Овде треба да се додаде дека во текот на ноќта кожата е повеќе склона кон подобра апсорпција на производите за нега и е поприемлива за кремите што ги нанесуваме. Клетките на кожата поефикасно ќе ги користат хранливите материи од серумите, кремите и другите производи за нега.