ЛИЛИ КОЛИНС ВО КОМБИНАЦИИ КОИ ЕМИЛИ ВО ПАРИЗ НИКОГАШ НЕ БИ ГИ НОСЕЛА: Но изгледаат tres chic!

За разлика од шарените мини здолништа и фустани кои ги носеше на снимањето на „Емили во Париз“, Лили Колинс во последно време претпочита сосема поинаков стил.

Во склад со ревијата на Ралф Лорен која го оживеа класичниот шик на Њујорк, Лили Колинс во таа прилика облече смокинг со кошула и машна, а долгата коса ја врза во уредна пунџа. Во машки стил со два реда копчиња, таа беше модерно усогласена со нејзиниот сопруг, кој носеше сив триделен костум и додаде женствени детали во форма на чевли со високи потпетици и чанта.

Ова не е единствениот пат Лили Колинс и Чарли Мекдауел да покажат како изгледаат современите „matching“ парови: на премиерата на филмот „Windfall“ во режија на Чарли и со Лили во главната улога, тие исто така пристигнаа во одела. Лили носеше костум со риги од Брунело Кучинели, а нејзиниот сопруг во темно сив костум и долчевита на Габриел Херст.

Креациите на Габриел Херст ги сака и самата актерка, па за гостување во ТВ-шоуто облече уште еден фантастичен костум, во портокалова, совршена за пролет, а комбинацијата ја надополни со модни детали во неутрални нијанси.