Мајмунските сипаници мутираат со алармантна брзина: Се пренесуваат на необичен начин

Новото истражување објавено во списанието „Nature Medicine“ сугерира дека вирусот на мајмунски сипаници започнал „забрзана еволуција“.

Стапката на мутација на вирусот може да ја објасни експлозијата на случаи во делови од светот каде што вирусот вообичаено не растел.

Научниците од Националниот институт за здравје „Др. Рикардо Хорхе“ од Португалија ја истражувал ДНК на сојот одговорен за актуелната епидемија на мајмунски сипаници. Тимот објаснува дека сегашниот вид е тесно поврзан со сојот одговорен за избувнувањето во Нигерија во 2018-2019 година. Сепак, оттогаш поминал низ повеќе од 50 мутации.

Мајмунските сипаници мутираат побрзо

Природата на вирусот му овозможува да ги поправи грешките што се појавуваат при репликацијата, оставајќи многу помалку простор за формирање мутации и, како резултат на тоа, ограничување на бројот на варијанти. Кога научниците го тестирале овој вид на вирусот, откриле дека мутирал шест до 12 пати побрзо од другите верзии на вирусот.

Во последните недели, случаи на мајмунски сипаници се појавија во речиси 50 земји каде што вирусот не е ендемичен.

Вообичаено, во неендемичните земји, се појавија изолирани случаи и инфекциите лесно беа контролирани од здравствените службеници. Оваа епидемија е различна, при што случаите се откриени во масивни кластери ширум светот. Ова може да значи дека доаѓа позаразна верзија на вирусот.

Вирусот на мајмунски сипаници кој мутира толку брзо има потенцијал да ја направи болеста уште позаразна. Се шири преку физички допир, контаминирани површини или многу близок физички контакт, а сега би можел да се шири на начини невообичаени за нормалните обрасци на тропските вируси.