Можно е! Трикови кои ви помагаат да ги испиете тие 8 чаши вода дневно

Со овие трикови можете да го направите тоа без напор.

На човечкото тело очајно му е потребна вода, а дехидрацијата е една од најчестите појави кај возрасните.

Кога телото е жедно, работи бавно, а кожата станува сува и безживотна.

Ако сакате да стекнете навика да пиете осум чаши вода дневно, испробајте ги овие трикови кои навистина помагаат.

Додадете ѝ вкус

За многумина водата е најдосадна течност, па затоа преферираат слатки сокови. За да избегнете непотребно внесување шеќери и да ја сакате водата, дајте ѝ вкус.

Во стаклено шише со широки усти ставете неколку листови свежо нане, парчиња лимон и парчиња портокал и ставете го во фрижидер. Витаминската вода е и вкусна и здрава.

Искористете ја моќта на вашиот паметен телефон

Верувале или не, на вашиот телефон можете да инсталирате голем број бесплатни апликации направени токму за оваа ситуација. Тоа е потсетник кој ќе ве предупреди дека е време да пиете вода.

Иако звучи чудно, ваквите апликации се многу корисни.

Земете убаво шише

Во текот на денот постојано брзаме и затоа забораваме на потребата од течности, што потоа негативно се одразува на нашиот организам.

Купете си убаво шише со вода кое секогаш ќе го имате со вас. Ставете го во торба и носете го насекаде.

Кога сте на работа, ставете го на вашето биро за да ви биде секогаш при рака.

Водата нека ви стане предјадење

Овој трик навистина функционира. Покрај тоа што ќе стекнете навика да пиете вода, ќе ви помогне да ослабете бидејќи ќе го намалите чувството на глад и со тоа ќе јадете помалку.

Пред секој оброк, а тоа важи и за грицките помеѓу оброците, пијте најмалку половина чаша до чаша вода. Направете го ова навика.

Следете колку сте испиле

Ако пиењето вода е вистинска болка, направете план.

Пресметајте колку вода собира во вашето шише и направете пресметка колку шишиња вода треба да пиете во текот на денот. На пример, ако половина литар вода собира во шишето, вашата цел треба да биде да пиете три шишиња во текот на денот.