Евтино и ефикасно решение, а резултатите ќе бидат одлични
Веројатно ви се случило во последен момент пред излегување да сфатите дека веќе немате сенка за очи или руменило.
Немате време да одите до продавница, а вашите пријатели веќе се на пат до вас и не понеле ништо.
Ситуацијата е навидум безизлезна.
Сепак, тоа не е така. Доколку имате еден посебен и корисен препарат во домот, лесно можете да го решите овој проблем.
Се што ви треба е малку стара шминка и, неговото височество – вазелин. Дополнително, треба да подготвите неколку празни кутивчиња, за да имате каде да го складирате она што ќе го направите.
Овој начин на правење шминка е добар дури и ако не сте задоволни со нијансата која веќе ја имате, а сигурно сте размислувале за некој кармин или сенка кои би биле идеални кога би биле барем малку посветли.
Ако ви снема сенка за очи, искористете го она малку сенка што го имате, или кармин. Измешајте ги со вазелин и нанесете на капаците.
Пудрата во прав, која содржи сјај во комбинација со вазелин ќе создаде уникатен и хидратантен лосион за нега на тело. Дури и ако додадете неколку капки од вашиот омилен парфем, ќе создадете вистинска магија.
За ова се препорачува да користите парфем со ниска содржина на алкохол.
За руменило, свеж и здрав изглед на кожа, измешајте кармин или пудра во прав (мека розова или праска боја) со вазелин и нанесете на образите.