Неговото плачење во кујната, заминувањето на децата во Мајами: Сите лаги од разводот на Пике и Шакира кои со денови ја интригираат јавноста

Неколку месеци откако дефинитивно решија да раскинат, познатата пејачка Шакира и нејзиниот избраник фудбалер Жерар Пике беа главна тема на многу медиуми.

И денес, после толку време, се уште има разни приказни за нивното раскинување, кое воопшто не било убаво.

Но многу од информациите за кои мислевме дека се сигурни, воопшто или делумно не се точни.

Порано се сметаше дека 12-часовните преговори меѓу поранешната двојка и нивните адвокати завршиле со плачење на поранешниот играч на Барселона во кујната на поранешната семејна куќа.

„Ел Мундо“ истакнува дека тоа всушност воопшто не е точно, бидејќи како што пренесуваат странските медиуми, тој не ни бил во нивната заедничка куќа.

Овој шпански весник консултирал и извори блиски до ова познато семејство, кои исто така ја демантирале оваа информација.

Изворите наведуваат дека тензијата меѓу фудбалерот и пејачката за време на интензивните преговори била толку голема што во неколку наврати биле на прагот да ја прекинат средбата и секој контакт.

На крајот, Пике сфатил дека за доброто на своите деца треба да прифати некои од барањата на Шакира. Тој признал дека е подобро да ги пушти децата во Мајами со нивната мајка, но ѝ дал голем број услови. Сакал тоа да биде нешто што ќе донесе добро за секого.

Во јануари Милан и Саша ќе патуваат со Шакира на друг континент, каде што ќе започнат нов живот далеку од очите на јавноста.

Исто така, извори блиски до парот ги негираа наводите дека Пике и Шакира раскинале на грд начин. Тие всушност останале во добри односи, кои треба да ги негуваат заради своите деца.

Не е точно, како што коментираат медиумите, дека Милан и Саша веднаш ќе се преселат со мајка им во Мајами. Како што беше претходно наведено, учебната година ќе ја завршат во Шпанија, па дури потоа ќе тргнат за Мајами.