Скриени барови, скапоцени камења на архитектурата и одлични ресторани – Лисабон има се. Најпознатите атракции не треба да се истакнуваат, а ние ве носиме на оние малку помалку познатите кои сигурно ќе ве воодушеват …
По утринската обиколка на стариот град, направете пауза со возење со лифтот Санта Хуста што го поврзува долниот град со областа Чиадо. Станува збор за кула стара сто години изградена во неоготски стил, а автор е Раул Месние де Пондард, ученик на познатиот Густав Ајфел! На самиот врв ќе најдете неверојатен поглед од 360 степени, а на терасата можете да се напиете и да се опуштите.
Празник за сите сетила
Секој кој имал среќа да проба нешто од Confeitaria Nacional знае за што зборуваме. Оваа пекара и слаткарница, која започна во 1829 година, се наоѓа во областа Баикса во Прака де Фигеира. Вреди да пробате многу работи, но не пропуштајте го познатиот пастел де ната, традиционално колаче исполнето со крем од ванила. Исто така, оставете го вашето непце да го вкуси и боло реи, божиќната торта по која тие се особено познати.
Најдобриот вегански ресторан
Конг е мал ресторан лоциран во центарот на Лисабон во Rua do Crucifixo, каде што можете да пробате различни традиционални португалски јадења во веганска верзија. Цените се разумни и ќе можете да ја пробате познатата francesinhа, полво а лагареиро и крокети. Љубителите на месо нема да бидат разочарани ако залутаат на ова место, на крајот на краиштата, вреди да се даде можност на она што не е секогаш прв избор.
Панорамски поглед на паркот
Ако ги барате најдобрите погледи на Лисабон, не пропуштајте го Panoramico de Monsanto. Монсанто е голем парк – шума на северозапад од градот, а од највисокиот врв се гледа прекрасен поглед на цел Лисабон и реката Тејо. Самиот Панорамико е голема тркалезна бетонска зграда. Некогаш бил успешен ресторан, а сега е напуштен и расфрлан со графити, но сè уште го држи статусот на еден од симболите на градот.
Шанк што заслужува медал
Доколку барате поинакво и уникатно искуство, прошетајте до барот Pavlihao Chines во областа Principe Real (барот се наоѓа во Rua Dom Pedro V). Првично имаше продавница во тој крај, а сега е коктел бар. Она што го прави различен е импресивната колекција на медали, кукли и воени предмети, а на почетокот повеќе личи на музеј отколку на бар. Дури и кога ќе ви кажеме дека ќе добиете список со коктели послужени во некоја еротска книга, мислам дека ве убедивме …
