Според експертите, овој зеленчук е богат со хранливи материи, а не е многу калоричен.
Тиквичките се зеленчук кој не само што делува благотворно на вашата тежина, туку благотворно делува и на вашето тело. Тие ги смируваат нервите, ја подобруваат концентрацијата, го зајакнуваат срцето и мускулите. Одлични се и за отстранување на вишокот вода од организмот, а содржат и многу витамини и минерали. Имаат многу витамин Ц, калиум, калциум, фосфор, селен, а како што велат тие се добри и за варење, а се совршен додаток на месото и рибата.
Малкумина знаат дека овој зеленчук е одличен за лекување на астма и дека е многу добар за спречување на периодонтитис. Семките од тиквички се чудесни. Со нивна помош можете да ги отстраните капиларите, а ако консумирате тиквички можете да го намалите високиот крвен притисок, а исто така поради нивните ефекти може да се намали можноста за мултиплекс склероза.
Лабораториските истражувања утврдиле дека фитонутриентите во сокот од тиквички имаат антиканцерогени својства бидејќи ја спречуваат клеточната мутација. Екстрактите од тиквички ги намалуваат симптомите на бенигна хипертрофија на простатата, а овој ефект се засилува во комбинација со други зеленчуци.
Енергетската вредност на 100 гр сирова тиквичка со кора е 16 kcal / 69 kJ. Од тоа, тиквичката има 3,4% јаглени хидрати, 1,2% протеини и 0,2% масти.
Од минералите, тие содржат помали количини на манган, магнезиум, фосфор, бакар, железо, цинк и калциум. Што се однесува до витамините, освен витамин Ц, содржат и витамини од Б комплексот во помали количини, тиамин, рибофлавин, ниацин, пантотенска киселина, фолна киселина, пиридоксин, а исто така и витамин К. Свежите тиквички во 100 g содржат 1,1 g диетални влакна и 2,2 g лутеин.