„Никој не ми верува“: Бред Пит за борбата со ретката болест на „слепило на лица“

Бред Пит детално ја раскажа својата битка со ретката состојба „слепило на лице“ признавајќи дека никој не му верува кога зборува за тоа.

Актерот (58) верува дека боледува од прозопагнозија, неможност да препознае лица, што вообичаено го погодува човекот во текот на целиот живот.

Многу луѓе со оваа состојба не можат ни да ги препознаат членовите на семејството, партнерите или пријателите и да се справат со користење на алтернативни начини за препознавање на луѓето, како што се сеќавање на начинот на кој одат, нивната фризура, глас или облека.

Иако на Бред официјално не му била дијагностицирана оваа состојба, тој долго време верувал дека страда од оваа состојба и признал дека се грижи дека тоа ги натерало луѓето да мислат дека е далечен или повлечен.

– Никој не ми верува! Сакам да запознаам друга личност со прозопагнозија – изјави тој за магазинот ГК.

Бред претходно зборуваше за неговата борба со оваа состојба во 2013 година, за Esquire:

– Толку многу луѓе ме мразат затоа што мислат дека не ги почитувам. Одвреме-навреме некој ќе ми даде контекст, а јас ќе речам: „Благодарам што ми помогна“. Не можам да го разберам лицето, ќе треба да се тестирам – актерот се обиде да објасни.