Неодамна на Нетфликс излезе нова средношколска комедија во која улогата на главниот лик ѝ беше доделена на симпатичната Ребел Вилсон. Ова е одличен филм за саботно дружење со пријателите и релаксирачка атмосфера.
„Senior Year“ или „Последната година“ е комедија во режија на британскиот режисер Алекс Хардкасл, познат по создавањето квалитетни ситкоми и по неговиот неверојатен талент да не насмее и да се опуштиме на елегантен начин.
Секогаш оригиналната Rebel Wilson ќе ве насмее до солзи во секоја улога. Така е и во оваа комедија. Нејзината улога ја направи досадната акција допадлива, шармантна, духовита и жива.
Овој филм за момент не враќа во раните 2000-ти. Ребел ја игра убавата средношколка Стефани. Таа е класичен матурант кој има совршен живот. Таа е капитен на мажоретките на училиштето, има одлични пријатели и прекрасен дечко. Таа постигнала се што сакала, освен најголемиот сон во животот – да стане кралица на матурската вечер.
Живеела супер средношколски живот се до моментот кога на еден свој настап не завршила во кома. Заплетот започнува кога Стефани се буди од кома по 20 години. Иако сега има 37 години, таа се уште е 17-годишна во главата, а нејзината главна животна цел – да стане кралица на матурската вечер, повторно станува актуелна.
Покрај Ребел Вилсон, во филмот глумат Алиша Силверстон, Џастин Хартли и Мари Холанд, а остатокот од актерската екипа се некои нови деца, како Џошуа Коли, Мајкл Чимино и Авантика Ванданапу. Во филмот за момент се појавува и Стив Аоки.
Критичарите и публиката велат дека тоа е лесна комедија за саботните попладневни часови, но ако ја очекувате атмосферата на вашите омилени филмови како „Mean Girls“, „Never Been Kissed“ или „Easy A“, намалете ги вашите очекувања.
Многумина ја споредија оваа комедија, според реакциите на публиката, со популарната серија на Нетфликс „Емили во Париз“. Некои беа разочарани од баналноста на приказната, додека други беа воодушевени од лесната акција што ја исполни својата цел – нè забавуваше и опушташе.