Како да избегнете непријатни и болни плускавци
Непишано правило е дека новите чевли секогаш ќе ве боцкаат, особено во лето кога стапалата ви отекуваат од топлина и стоење.
Сепак, постојат голем број начини на кои можете да ги омекнете чевлите и да избегнете болни плускавци.
- Спречете лизгање
Истријте ги флекниците со шмиргла за да ги направите погруби и нерамни. Ова ќе ви даде подобро триење помеѓу чевелот и подот, така што чевлите повеќе нема да се лизгаат.
- Залепете ги прстите на нозете за да не ве болат
Нервот што боли во тесни чевли поминува помеѓу третиот и четвртиот прст. За да го спречите тоа, залепете ги третиот и четвртиот прст со селотејп или завој. Палецот се смета за прв.
- Помагаат и компирите
Уште еден интересен трик за проширување на тесните чевли од кожа, антилоп, но и вештачки материјали вклучува нешто што сите го имаме во оставата, а тоа е компирот. Излупете компир со средна големина претходната вечер и ставете го во чевлите преку ноќ. До утро, соковите од компирот ќе го омекнат материјалот, а чевлите ќе станат пошироки.
- Растегнете ги новите чевли со мраз
Наполнете вреќички за замрзнување со вода и ставете ги во чевлите. Кога водата ќе замрзне, таа го проширува својот опсег и ќе ги прошири чевлите. Оставете ги обувките во кеси во замрзнувач преку ноќ.
- Фен за коса
Новите, претесни чевли загрејте ги со фен за коса. Внимавајте да не претерате за да не се стопат чевлите. Кога материјалот ќе омекне, свиткајте ги чевлите на средина и во сите правци, само внимавајте да не ги скршите или да не ги свиткате толку силно за да останат во таа положба.
- Облечете волнени чорапи
Истегнете ги чевлите кои се премногу тесни со волнени, дебели чорапи. Облечете ги чорапите и чевлите и шетајте низ куќата додека чевелот не се истегне и не стане удобен за носење.