НОЗЕТЕ ВО ФОКУС: Како да направите педикир во удобноста на вашиот дом?

Сончевите часови стануваат подолги и потопли, а се ближи денот кога конечно ќе можеме да облечеме нови сандали. Ја сакаме таа трансформација „пред/после“ кај козметичарот кога влегуваме како Пепелашка и излегуваме како принцеза која самоуверено носи стаклени потпетици.

Но, ако одењето на козметичар не е опција, имаме неколку совети за педикир дома:

Отстранете го стариот лак

Секоја промена започнува со отстранување на старите слоеви за да имаме ново, чисто „платно“ кое ќе го обоиме во летни бои.

Натопени стапала

Наполнете сад со топла вода и додадете соли за капење и опуштете се 5-10 минути. Доколку имате груби потпетици, откако стапалата се добро натопени, можете да ги шмирглате петите и да ја отстраните грубата кожа и да ги натопите уште малку.

Негување на ноктите

Скратете ги ноктите и истругајте ги со турпија, а потоа нанесете масло за нега на ноктите и кутикулите.

Масажа

За целосна релаксација и нега, масирајте хидратантен крем кој дополнително ќе ја омекне вашата кожа. За максимален ефект, по неколку минути масажа можете да нанесете и чорапи за подобро да се апсорбира кремот, а не заборавајте да го нанесувате кремот секоја вечер пред спиење. И на кожата на стапалата ѝ треба барем дел од вниманието што го посветуваме на кожата на лицето.

Лакирање

Откако кремот и маслото ќе се впијат, време е за лакирање. Првиот слој треба да биде безбојна основа која ги штити ноктите, потоа два слоја обоен лак и последен слој сјај. Повеќе слоеви ќе гарантираат дека лакот ќе трае подолго и вашите стапала ќе бидат убави. Одвојте доволно време за да се исушат поединечните слоеви за да го направите лакот беспрекорен.