Нутриционистите тврдат: Можете да јадете пица секој ден без да се здебелите, но само под ОВИЕ два услови

Најважно е да водите сметка за калориската содржина на оброкот

Обожавате тесто, а особено пица и се чувствувате како да можете да ја јадете секој ден.

Сепак, тоа што речиси сигурно ќе се здебелите на овој начин ве спречува.

Но, руската диететичарка Елена Соломатина тврди дека навистина можете да јадете пица секој ден, но ако исполнувате два услови.

Прво, треба да водите сметка за вкупниот број на калории што сте ги внеле во вашето тело.

– Ако јадете парче пица секој ден, нема да му наштетите на вашето здравје и на вашата линија. Најважно е да се земе предвид вкупниот број на калории што ги консумирате дневно. Ако трошите повеќе енергија отколку што добивате од храната, тогаш можете да јадете пица за ручек барем секој втор ден – изјавила Соломатина.

Второ, треба да изберете пица која содржи здрави состојки.

– Ако веќе ја јадете, важно е да е свежа. Направете или изберете ја онаа со повеќе домати. Тоа значи дека ќе има повеќе ликопен (пигментот кој им дава боја на доматите)! Оваа супстанца е моќна, таа е антиоксиданс кој многу поволно делува на кардиоваскуларниот систем, а има и антиканцерогени својства – објаснила Елена.

Исто така, нутриционистката советува да се купи или да се направи пица со тенка кора. Меѓутоа, ако тоа не е случај, тогаш дефинитивно треба да се воздржите од јадење на краевите.

На овој начин ќе го намалите бројот на внесени калории во организмот.