ОБРНЕТЕ ВНИМАНИЕ КАКО И НА КОИ МЕСТА СЕ ПОТИТЕ: Мали знаци откриваат какво ви е здравјето, а еден е НАЈОПАСЕН ВО ЗИМА

Ако мислевте дека само прекумерното потење треба да биде причина за посета на лекар, сте се излажале.

 

Потењето е природен процес и е познато и како перспирација. Тоа е важен одговор на телото на зголемена температура или физичка активност, а може да биде предизвикан од емоционален стрес, менопауза или сериозни здравствени состојби. За време на пубертетот, има зголемување на хормоните кои ги прават потните жлезди подинамични.

 

Прекумерното потење не е единствениот знак што треба да ве натера да размислите за вашето здравје. Напротив, ако воопшто не се потите, дури и при одредени физички активности, тоа може да биде и знак за некоја здравствена состојба.

 

Постојат различни видови на пот:

 

Обилно потење

Иако обилното потење може многумина да го игнорираат и да го сметаат за вообичаено, тоа може да биде аларм за предупредување, особено ако се појави во текот на зимските месеци. Обилното потење се јавува кај жените за време на менопауза, а понекогаш може да биде многу опасно. Доколку истовремено чувствувате обилно потење и слабеење или потење што се јавува исклучиво за време на спиењето, треба да посетите лекар. Потните жлезди се премногу активни, а оваа состојба се нарекува хиперхидроза.

 

Воопшто не се потите

Иако е природно некој помалку да се поти, а некој повеќе, ни малку пот не е добар знак за здравјето на луѓето. Ако во топлите денови воопшто не се потите, тоа значи дека жлездите не ви работат добро. Оваа состојба се нарекува анхидроза и доведува до исцрпеност, црвенило, вртоглавица и чувство на топлина. Може да биде генетски наследен и понекогаш е тешко да се открие.

 

Солена пот

Потта е солена, како и солзите. Меѓутоа, ако е премногу солено, што би го почувствувале со печење на очите, тогаш на вашето тело му недостасува натриум. Кога има недостаток на натриум, можете да дехидрирате, а хидратацијата е клучна за здраво тело. Неопходно е да се конзумираат пијалоци кои содржат електролити, а кои ја спречуваат и солената пот.

 

Пот со непријатен мирис

Иако многумина мислат дека е нормално потта да има непријатен мирис, вистината е сосема спротивна. Потта всушност нема мирис, но кога бактериите во кожата ќе се измешаат со потта, тогаш се создава мирис кој никому не му годи. Ова може да биде последица на стрес. Вашата исхрана и лекови влијаат на мирисот на вашето тело.

 

Трудничка пот

Жените за време на бременоста се потат повеќе од вообичаено. Тоа може да биде и еден од првите симптоми на бременост. Нормално е телото да го менува мирисот кога сте бремени, а за да го избегнете, внесете што е можно повеќе вода, исфрлете ја зачинетата храна и носете широка облека.