Патите и вие и вашиот партнер: Суптилни, но јасни знаци дека се наоѓате во НЕЗДРАВА ВРСКА

Ништо освен искуството не може да ве научи како да се однесувате во врската и како да бидете среќни во неа.

Многу луѓе, особено на млади години, додека се уште се „свежи“ кога се во прашање врските, влегуваат во врски во кои партнерот се однесува лошо со нив или пак лошо се однесуваат кон партнерот.

Работата да биде полоша и за двајцата, честопати партнерите не се свесни за тоа и мислат дека вака треба да изгледа една врска. Се разбира, не зборуваме за очигледните работи, како што се несогласувањата, изневерувањето и тепање, туку за суптилни, помалку забележливи и збунувачки појави.

Тотална зависност

Можеби мислите дека безграничната и безусловна љубов кон партнерот е добра и пожелна работа, но проблемот со неа е воспоставувањето на одредена граница. Ако секој момент што го поминувате без партнерот ви е болен и тежок, постојано размислувате за него и целиот живот го потчинувате на вашата врска, станува збор за зависност од љубов.

Самиот збор „зависност“ треба да ви каже дека ова не е здрава врска. Вие сте единствени само за себе и не треба да бидете подредени на никого и ништо, ниту да менувате цел живот, навики, однесување и постоење, воопшто, само за една личност, а на тоа се склони луѓето зависни од љубов. Зависноста од љубов може да предизвика бурни реакции во случај на расправии, кои се сосема природни, како и претерано драматични реакции во кои никој нема да ужива.

Имате чувства кон друга личност

Не треба да ве чуди ако во долга и стабилна врска, во која страста со текот на времето почнува да исчезнува и чувствата почнуваат да се сфаќаат несериозно, почнете да чувствувате нешто за друга личност. Понекогаш поминувате низ тоа неповредено, се трезнете и се враќате во вашата врска.

Меѓутоа, ако тоа трае долго, треба да ви биде јасно дека нешто не е во ред со вашата врска. Во оваа ситуација ќе се чувствувате како вашата „стабилна“ врска да е товар, што само ќе го зголеми вашето незадоволство.

Навреди пред другите

Накратко – партнерот не смее да ве навредува и понижува пред другите. Почитувањето треба да биде главна карактеристика на секој човечки однос, без разлика дали е тоа љубов или пријателство. Колку и да е лут вашиот партнер и без разлика колку жестоко сте се расправале, тој не смее да ве навредува пред другите. Истото важи и за вас.

Негативни коментари за изгледот

Треба еднаш засекогаш сите да се ослободиме од лажниот морал и да кажеме дека физичкиот изглед е неважна и површна работа. И колку е важно вашиот партнер, како вие за него, да биде физички привлечен.

Меѓутоа, во врската нема простор за негативни критики за изгледот, коментари од типот: „Може да ослабнеш, погледни колку си здебелил/а“ или „Ишишај се, види се на што личиш“ и слично.

Партнерот ги наметнува своите ставови

Како што напишавме пред малку, вие сте индивидуа, како и вашиот партнер. Сосема е нормално да имате различни ставови и сосема е погрешно да се обидувате да се предомислите еден на друг, без разлика на се. Доколку партнерот постојано се обидува да ве убеди дека не сте во право или не дај Боже дека сте глупави, време е да ја прекинете оваа нездрава врска.
Почувствувајте ја желбата да заминете

Интуицијата никогаш нема да ве измами. Кога, како што би рекол народот, „во стомак“ чувствуваш дека се ти е преку глава, не треба да го игнорираш тоа чувство.