Тој има два сина од претходните бракови
Актерот Николас Кејџ (58) и неговата сопруга Рико Шибата (27) го добија своето прво заедничко бебе, ќерката Август Франческа.
– Николас и Рико со задоволство го објавија раѓањето на нивната ќерка. Мајката и бебето се добри – изјави претставникот на парот за странските медиуми.
На Кејџ ова му е трето дете, од претходните бракови ги има синовите Кал-Ел (16) и Вестон (31).
Да се потсетиме дека Кејџ ја запозна својата млада сопруга во нејзината родна Јапонија во 2020 година, а не долго потоа се верија преку „FaceTime“. Се венчаа на 16-ти февруари минатата година на интимна церемонија во Лас Вегас.